Hag unan all, mut-hu ? Gwir eo ez eus ur bern braserezhioù artizanel e Breizh bremañ ! Kement ha deuet eo hor bro unan eus ar broioù pennañ evit a sell ouzh ar bieroù mod ar vro (muioc’h evit 500 braserezhioù memestra).
Ar Breizher, ger-valizenn m’eo teuzet ennañ “Breizh” ha “Breser”, a zo o paouez lañsiñ e votad nevez. Bieroù gwenn, melen pe IPA, evit poent n’eus ket ‘met teir bier war ar gartenn. Met normal eo rak un embregerezh nevez-savet eo Ar Breizher (miz here 2020).
C’hwec’h implijiad, yaouank, a labour er vreserezh, gante implijet aozennoù bio eus ar vro nemetken (war-bouez ar sukroù hag ar gouell) evit fardañ ar bieroù. Evit poent n’eus tamm stal ebet evit prenañ boutailhoù war-eeun er vreserezh, gwerzhet e vez an holl draoù broduet gant Ar Breizher er gourmarc’hadoù pe stalioù bio eus ar vro.
https://www.arbreizher.fr/
Crédit photos : DR
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
