Pebezh mizer !
Tra m’emañ an tan-gwallioù oc’h ober freuz ha reuz e Kabili, emañ ar gouarnamant aljerian o klask bouc’hed ar pec’hedoù, forzh pe hini e vefe, ken dic’houest m’eo eñ evit merañ ar vro abaoe 1962.
E penn-kentañ eo bet taolet ar bec’h war emsaverien ar MAK, an emsav enrenour kabil. Tamallet int bet da blantañ tan e pep lec’h (en o bro dezho !), hag int « gopret gant Maroko » evel just, enebour istorel an Aljeria ma’z eus unan. 22 anezhe a zo bet serret e kerzh miz eost en deus embannet ar prezidant Abdelmadjid Tebboune d’ar yaou 12. Jahinet e vint en toull-bac’hoù aljerian, ken sur ha tra…
Met bremañ eo war Israël ma vez lakaet ar bec’h ! En ur pennad embannet war « Le Jeune Indépendant » emañ ur « c’hazetenner » o klask kendrec’hiñ e lennerien e vefe kaset dronoù lañs-flammoù en Aljeria gant ar stad hebread. Hag evel just e vefe aliañset ar Maroko hag ar MAK gant Tel Aviv evit drastañ an Aljeria, ur vro ken a-bouez er bed a-vremañ !
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
Une réponse à “Tan-gwallioù en Aljeria : ar gouarnamant FLN o klask bouc’hed ar pec’hedoù”
https://mondafrique.com/incendies-kabylie-limplication-de-la-police-politique-dans-le-meurtre-de-djamel-bensmail/
Traoù iskis ( d’an nebeutañ !) en Aljeria.