E Mayotte 95% eus an dud a zo muzulman. Begoù du, an holl anezho pe hogozik. E berr komzoù n’eus ket e Mayotte nevez-nazied pe “trevadennourien wenn”. Pezh zo, 48% eus an dud o chom e Mayotte a zo estrañjourien anezho, komoriz o tont eus inizi ar C’homor evit an darn vrasañ anezho. E Mayotte avat, an dud a zo a-enep an enbroerezh hag a-enep krenn ar re a souten an enbroerezh.
Setu ar pezh a zo bet embannet d’an 31 a viz genver gant ar gevredigezh CIMADE hag a souten ar repuidi, e Bro Frañs kement hag e Mayotte.
Hag ar gevredigezh ekumenek (diwar bed ar brotestantiezh e teu ar CIMADE met deuet eo da vezañ ur gevredigezh lik pe ekumenek abaoe bloavezhioù) ha ouzhpennañ :
“Abaoe-se n’haller ket mui mont en hon ti rak bemdez ez eus tud o kampiñ dirazañ, oc’h ober biz d’an dud a felle dezho mont-tre, en o zouez estrañjourien o klask titouroù”
Hag ar gevredigezh da glemmichal (e skritur enbarzhus !) peogwir n’eo ket hec’h izili evit mont da zerc’hel ar boutik. “Ha ne ra netra ar prefeti hag ar polis” war ar marc’had ! Gouez dezho eo “stultennoù” ar fed d’ober al liamm etre an disurentezh hag ar baourentezh a ra o reuz en enezeneg hag an enbroerezh. Hag evel just, tout-se a zo “brizh aon” bouetaet gant an tu-dehoù pellañ ! Sell ‘ta…
Seurt tud hag o eus kollet o skiant vat. Tud ha n’int ket mui mennet gant degemer an dud handeet, tud a feiz eus ur relijion nevez ne lavaran ket : “Egile” eo anv ar relijion-se. Egile, den a vertuz dre natur. Egile hag a vo pardonet dezhañ pep tra. Egile hag a vo degemeret forzh peseurt torfed en defe eñ graet en a-raok. Forzh peseurt sevenadur a zeufe gantañ. Egile hag a zo deuet da vezañ penn nevez ar C’hrist redemptor evidomp-ni Europeiz. Nag ur follentez !
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
