Safar zo bet e ti-ker Felger diriaou dremenet ! A-greiz ma oa ar guzulieren o tiskutal diwar-benn aferioù ar gumun, 80 implijiad kêr a zo degouezhet er sal o safarat. Unan anezho o seniñ gitar zoken !
Chom a reas dinec’h an aotrou maer Louis Feuvrier hag eñ a gendalc’has gant e brezegenn. Ne’z eas ket gwall bell avat rak ur c’hwitelladeg a lakaas anezhañ da vourdiñ gant e sarmon.
Fabrice Bédélet, paotr ar CGT anezhañ, a brezegennas neuze. Reklem a reas e vefe kresket ar goproù, enfredet tud nevez ha roet d’an implijidi tikiji restaorant hag ur c’hwarez da bep hini mui traoù all a seurt-se. Ober a reas ar maer e vouzar.
Betek-henn… Peogwir, a-raok mont-kuit e lavaras sklaer ar sindikalourien e tistroint ken buan ha tra ma n’eo ket kemeret e kont o arc’hadurioù.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
