Naoned : brezel ar c’harterioù, un den kondaonet

En e grevañ emañ brezel ar c’harterioù e Naoned ! Bellevue deus un tu, Malakoff deus un tu-all, ar Breuil, …. Diwar ma komañs an trafikañ dramm en ul lec’h bennak e krog an hailhoned d’en em ganañ etreze forzh penaos.

D’ar yaou 02 a viz meurzh e oa Keny G., 26 vloaz, dirak ar barner. Sach blev a oa etre karterioù ar Breuil ha hini Bellevue e 2018 (hag ez eus c’hoazh !), ken e tarzhas ur fuzuilhadeg d’ar 14 a viz mae e kreiz Bellevue. Tri den a vo diskaret. Gloazet nemetken. Un nebeut devezhioù a-raok he doa graet un vandenn eus Bellevue ar memes tra er Breuil. D’ar 14, e teuas a-benn an dennerion da skarzhañ kuit, memestra. Devet e vo o c’harr-tan (laeret evel just) un tamm diwezhatoc’h e Gregamp-ar-Feunteunioù, e Bro Naoned.

‘Tal kichen an oto devet e vo adkavet ur maneg gant ar boliserien. ADN Aboubacar Fofana warnañ. Hemañ a vo lazhet gant ar polis un nebeut mizioù war-lerc’h er Breuil tra ma oa o klask tec’hout kuit. Un taol-dispac’h a savas diwar ar marv-se hag a badas e-pad devezhioù.

Met Keny G. a oa en afer e Gregamp ivez. Adkavet e vo e ADN. Ha bev eo eñ. Diriaou dremenet e oa dirak ar barner evit an taol-mañ. Hervezañ en doa klasket « reiñ un tamm sikour da vignoned ». Peseurt re ? Chom a raio mut. A-benn ar fin e voe kondaonet d’ur bloavezh toull-bac’h. Er prizon e c’hello adkavout mignoned eus Bellevue hag ar Breuil, fiskal !

[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine