Barnet d’an 09 a viz meurzh gant lez-varn Naoned, Joëlle Kerivin he deus anzavet he holl bec’hedoù. Pec’hedoù arc’hant evel just rak ganti eo bet bogodennet muioc’h evit 600 000€ eus kefioù ar « Folle Journée », gouel ar sonerezh klasel eus Naoned. Bogodennet he deus ivez arc’hant ar gevredigezh gwegelour « Espace Simone de Beauvoir » hag a oa prezidantez anezhi.
Rak ur wregelourez eo Joëlle Kerivin. Hag unan mennet gant ar c’haoz ! Parizianez a-orin, otus ken-ha-ken, tost e oa d’an ti-kêr sokialour eus Naoned, a-raok ma treinkfe ar soubenn goude m’eo bet kavet gant an ti-kêr an toull e kefoù an ensavadurioù a oa e penn anezho.
Ouzhpenn d’he stourm feminist emañ Joëlle Kerivin troet a-du gant an LGBT+++. Pa oa e-barzh ar bed ekonomikel eus Naoned e poulzas an embregerezhioù hag ar melestradurioù « d’ober ur plas » da seurt tud.
Sklaer eo e plije dezhi bevañ en un doare pompadus : dilhad cheuc’h, kenedourezed, pretioù, ar Folle Journée hag an Espace Simone de Beauvoir, an arc’hant publik e berr komzoù, a baee pep tra !
An afer-mañ a ziskouezh peseurt bed eo bed ar feministed : ur bed bourc’hiz, rouget gant ar « bovarysm » ha stambouc’het gant an arc’hant publik, meur a wech.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
