Ar geizh ! E-pad m’emañ repuidi é veviñ e tier renevezet get hor argant peotramant ostelioù paeet get ar stad hag ar c’huzulioù departamant, zo tud kozh é veviñ e lojamañtoù dirapar.
Setu ar pezh a c’hoarvezhahe e Brehant-Loudieg, nepell a Bondi. Teir vamm-gozh, àr o leve abaoe pell, a zo é chom er “residence Noë”, ur rezidañs sosial meret gant HB Habitant, ur feurmer ag An Oriant. “Ur gleibenn” reve ar mammoù kozh. Prenet zo bet un higrometr get unan anezhe : etre 96% ha 98% a c’hlebor durant ar gouiañv. Ha tommet ar lojamant !
Ha glebor en arrebeuri. Pikoù-du partout. Razhed a zo é kantreal ivez. Galvet zo bet un embregerezh aveit gober o stal dezhe met goude m’eo tremenet an teknisian eo kouezhet lambriged àr gwele ur vamm-gozh. Leun a breñved e oa an doublaj !
Reve ar feurmer sosial, n’eo ket gwir tout se. N’eo ket dirapar ar lojamantoù hag ar problemoù a vehe dre faot ar vammoù-gozh. Muzuliet eo bet an higrometriezh get un den eus HB Habitant ha kavet 30% getoñ da skouer ha n’eo ket 98%.
Un arbennigour a vo anvet hag a dalvo da varnour peoc’h etre an daou du. Da c’hortoz, eo bet galvet an animatour Julien Courbet gant an teir mamm-gozh.
Er lojamantoù a vez roet d’ar repuidi, n’eus ket kement a broblemoù, erhat.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
