Ankeniet eo paotred an tan, war ziwall ar boliserien : abaoe 3 bloaz, ingal, e vez lakaet tan e kirri-tan e Felger. D’ar sadorn 5 a viz eost eo 7 karr-tan a zo bet devet c’hoazh tro straed Albert Durand. Trizek pomper o deus stourmet evit mougañ an tanioù-gwall hag a zo aet a oto da oto. C’hwec’h den o deus savet klemm, en o zouez micherourien ha n’hallont ket mont da labourat ken.
Gant piv e vez graet tout-se ? Tud yaouank ha n’o deus netra all d’ober ? Ekologourien hag a felle dezho stourm “a-enep ar c’hirri-tan” ? Den ne oar. E-pad nozvezhioù zo, evel e miz mae pa voe lakaet tan e kirri-samm ar CCAS, ez eus meur a dan-gwall e lec’hioù disheñvel eus Felger. Plijout a ra c’hoari an entanerien…
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
