E Dinan e oa bet distaliet ur groaz straed ar Fontaine des Eaux, bet savet e 1910. Ne oa ket en ur stad mat ha poent e oa cheñch anezhi kar n’halled ket he reneveziñ.
War un dachenn brevez e oa, neuze e c’helle ar berc’henned adsevel unan nevez hep ma vefe torret al lezenn war al likelezh.
Galvet eo bet “SOS Calvaires” gant ar berc’henned hag he deus ar gevredigezh kroget ganti. Da gentañ, o deus izili SOS Calvaire renevezet delwenn ur c’hrist en arem eus Pleudehen hag o deus staliet anezhi ouzh ur groaz nevez, graet e koad derv. 5m a uhelder, 2m a ledander, n’eo ket bihan ar groaz-mañ !
Ha d’ar 26 a viz eost eo bet staliet ha beniget ar groaz hag ar C’hrist. War un dachenn brevez emañ met gwelet a reer anezhi eus ar straed.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
4 réponses à “Dinan : ur groaz nevez adsavet evit enoriñ Hor Salver !”
J’y étais ! Une merveille émouvante ! Que ton règne vienne !
Gwelloc’h e vefe lavaret “poent e oa cheñch anezhi” e-lec’h “poent e oa da cheñch anezhi” hag “ar berc’henned” e-lec’h “ar berc’henerien”, ne gav ket deoc’h ?
“Ar berc’henned” gant daou n ‘vefe gwelloc’h c’hoazh, ‘gav ket deoc’h ?
Brav eo gwelout Bretoned o reiñ klod da Zoue !