Skoet eo bet eil-maerez Redon, Delphine Penot, d’an noz etre ar 25 hag ar 26 a viz eost !
Emañ ar vaouez-mañ o chom e kreiz-kêr Redon. Ha d’an noz-mañ e oa he zro da vezañ « war evezh » e kenkaz ma c’hoarvezhfe un dra bennak e kêr. Ha justawalc’h, tro 1e00 mintin e klevas trouz er straed just dirak he savadur. Diskeiñ a reas ha gwelet a reas tud mezv tro-dro d’ur c’harr-tan hag en doa bet ur gwall-zarvoud. Buan-tre e komprenas ne oa ket just ur gwallzarvoud bennak met disoc’hoù ur rodeo kêr. Huchadennoù, trouz, an dud a oa dindan boeson tro-dro dezhi. Ha, dreist-holl, o doa aon he defe an dilenniadez galvet ar polis.
A-daol-trumm, e lammas ur vaouez warni. O sachañ war he blev. Hag un eil ! Kouezhañ a reas an dilenniadez hag ar maouezed o skeiñ ganti war al leur par ma c’hellent. Eüruzamant e voe mestroniet an div gebenn gant paotred yaouank. Unan eus an div vaouez a oa ouzh stur ar c’harr-tan ha ne felle ket dezhi e vefe bet galvet ar boliserien.
Ha ne oa ket sioulaet an div wrac’h pa erruas ar boliserien a-benn ar fin, kenderc’hel a raent da huchal, da skeiñ. Dindan boeson e oant ha marteze dindan drogach.
Aon he deus bet Delphine Penot hag ehanet eo bet e-pad daou zevezh gant he medisinour.
N’eo ket ar wech kentañ ez eus seurt rodeo e Redon, siwazh. Daou eo lavaret en deus cheñchet kalz poblañs Redon ar bloavezhioù tremenet…
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
