Bugale a oa o c’hourdonañ war tachenn vell-droad Bourc’hnevez-Raez/Bourneu e Bro-Raez d’ar yaou 23 a viz du. A-daol-trumm, setu un den oc’h erruout war bord an dachenn. N’eo ket tad ur bugel bennak anezhañ. Mont a ra ar gourdoner da gaout anezhañ da c’houlenn gantañ petra emañ oc’h ober amañ. Boeson a zo gant an den, anat. Hag eñ da ganañ pouilh d’ar gourdoner, ur c’horsad : “mab ar c’hast” ha traoù a seurt-se. Ha dao ! Paket gant ar c’hunujenner ur flac’had. Arabat klask triñchon d’ur c’horsad ! Gant se ez a kuit an den.
Dont a ra en-dro un nebeut munutennoù war-lerc’h. Gantañ ur sabrenn. Hep tennañ anezhañ eus e feur e ra ardoù gantañ, o gunujenniñ ar gourdoner c’hoazh. Ha tout-se dirak krennarded a 14-15 vloaz !
A-benn ar fin e teuas a-benn ar gourdroner da vestroniañ anezhañ. Ha galvet an archerien. Met pa arrujont e oa aet kuit an den. Serret e voe a-c’houdevezh ha kaset d’ar bidouf. Barnet e vo d’ar 04 a viz gouere 2024 dirak lez-varn Sant-Nazer.
Goulenn a ra ar c’hlub mell-droad e vefe ambrouget ar vugale gant o zud da c’hortoz e vefe diskoulmet an afer.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “Bourc’hnevez-Raez (44) : un den a arru gant ur sabrenn war bord an dachenn vell-droad”
Et en français ça donne quoi ?