E 2019, tro 3e mintin, e tegouezh pevar den en un familh koñversanted eus Pirieg, etre Morbihan ha Liger-Atlantel. Armoù a zo gant ar c’homando. An tad a zo oc’h ober e strinkadenn pa klev huchadennoù. En e saloñs, pevar c’hanfard o vantañ e familh. A-raok pell e vo eñ, hanter noaz war an daoulin, ur bistolenn ouzh e benn.
Emañ ar pevar c’hanfard o klask an « 300 000€ a zo kuzhet en ti ». « 300 000 petra ? » a c’houlenn an ostant. Ur c’hoñversant eo, onest, hag az a bep mintin, abred-tre da c’hounid e damm bara evit e familh. Bazailhet e vo gant al laeron. Taolioù fust war ar penn pa ne ve ken.
Buan e kompren al laeron o deus graet ur fazi memestra : n’eo ket an ti mat ! Ur mignon dezho o doa lavaret dezho e oa un trafikour dramm tro Gwenrann met n’int ket degouezhet en ti mat.
A-benn ar fin e skampont kuit. O lostoù en o c’harbedennoù. O leuskel ar familh evel-se, gloazet eo an tad.
Labour mat a vo graet gant an archerien rak buan e vo tapet ar pevar den.
E penn ar c’homando, ur c’hanfard eus Naoned : Nodier Ebym Bwala Muendy. Anavezet mat gant ar polis. Kondaonet 35 gwech dija ! Gantañ an noz-mañ e oa « Mehdi » ha « Biggi » hag unan all.
Kondaonet e oa bet ur wech kentañ da 20 bloavezh toull-bac’h. Apel en doa graet. D’ar 15 a viz c’hwevrer e oa e-unan dirak lez-varn Naoned. Mehdi Bouchaid zo war dec’h hag ar re all « en ur vro estren« . Sueden ? Finland ? Selaouet o deus ar varnerion Nodier Ebym Bwala Muendy o tibunañ e brezegenn, o lavaret pegen « mantret e oa abaoe an noz-mañ ». A-benn ar fin eo bet kondaonet da 17 bloavezh.
Hag ar familh koñversanted ? Speredoù debret a-virviken…
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
