Sant-Brieg : ur plac’h taget en tren, ur Marokan kondaonet

D’an 31 a viz meurzh, e pign ur plac’h yaouank en tren e Sant-Brieg evit mont da Roazhon. E kerz ar veaj ez a war ar savenn evit pellgomz. Un den a zo amañ dija. Ur maghrebian o vutuniñ butun-drol. Ne glask ket ar vaouez gouzout pelloc’h ha ne lavar netra dezhañ. A-daol-trumm e sant ar vaouez eo bet skoet gant un dra bennak. « Ur brank ». Ar Maghrebian eo en deus skoet ganti emezi. Tud tro-dro a sikour ganti.

A-benn ar fin eo bet serret an tagour pa oa o tiskenn eus an tren e Roazhon kar pellgomzet eo bet d’ar polis.

Ur c’hlasker-bara eo ar paotr, Marokan a vroadelezh. C’hwec’h menneg war e roll lez-varn dija. Dindan OQTF e oa e Lannuon met « fellout a rae dezhañ mont da Vro-Spagn ». Klevout a ra « bipoù » en e benn. War a semblant eo trelatet.

A-benn ar fin eo bet kondaonet da c’hwec’h mizvezh toull-bac’h d’an 2 a viz ebrel. Trelatet met ket a-walc’h evit bezañ kaset da ospital ar re sot. Ha kaset e vo d’e vro un deiz bennak ?

[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine