C’hwezh medisin a chom ‘ba kêr bPondi. C’hwec’h hepken, ar pezh n’eo ket a-walc’h aveit ur gêr a 15 000 anneziad, mui ar c’humunioù tro-dro. Dre vras, ‘ba broioù an OCDE, ez eus 3,4 medisin aveit 1000 den, ar pezh a dalv e vehe dav kaout 51 medisin ‘ba kêr bPondi ! Pell-pell ‘mañ Yann doc’h e gazeg aze !
Hag unan a vedisined Pondi a zo tost àr he leve. Ha st’èl ‘ba meur a gêr a Vreizh me lakahe e koustele kant doc’h unan ne vo den ebet é vonet àr he lerc’h.
Rak se emañ intereset Christine Le Strat, maerez Pondi, get raktres un embregerezh hag a faotañ dezhi sevel ur greizenn vezegiezh prevez ‘ba kêr. Hag unan digor 7 deiz/7 àr ar marc’had !
Hag, àr un dro, e kendalc’h ar vaerez da glask daou vedisin gopraet get an ti-kêr hag a veke kontant d’em en staliiñ er Pol Yec’hed. Chañs vat dezhi aveit kavet daou bichon èl-se. E-menn ? Er Maghreb pe e Roumania ? Pezh a vehe ur chañs aveit tud Pondi memestra !
Ur gabined ispisializet a zo bet fiziet dezhañ get an ARS ar mision da studiiñ tout ar raktresoù-se.
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
