Piv en deus droug ouzh delwenn Sant-Jil, staliet bloaz zo nepell eus kouent an Augustines e Malastred ?
Paeet e oa bet an delwenn-mañ gant an arc’hant rastellaet gant an Tad Carteau. 219 den o doa roet o skodenn evit ma vefe kizellaet e maen-greun (eus Breizh !) ha savet an delwenn-mañ. Sant-Jil a zo bet skeudennaet un eizez en e gichenn.
Met dre ziv wech eo bet torret dorn an delwenn ! Ar wech kentañ e oa e miz eost just a-raok pardon ar c’hamping-kirri. Adstaget e oa bet gant an arzour da c’hortoz gwelloc’h ha setu hi torret un eil gwech e-kerz an noz etre ar 27 hag ar 28 a viz gwengolo ! Tri devezh war-lerc’h e voe adkavet gant un den hag a leuskas anezhañ e burev degemer klinikenn an Augustines. Pelec’h e oa e-pad 72 eurvezh ? Den ne oar…
Klemm zo bet savet gant ar person.
Crédit photo : Kont Youtube « Les infos du Pays Gallo »
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
