E Sant-Nazer, d’ar merc’her 30 a viz ebrel, zo bet barnet 2 zen diouzhtu-kaer. 2 all o deus goulennet muioc’h a amzer evit prientiñ o doser. Petra zo rebechet dezho ? Bezañ laeret 64 ti e Breizh. Dreist-holl e Liger-Atlantel, Morbihan hag Il-ha-Gwilun. Chom a ra an daou-se diwezhañ en toull-bac’h da c’hortoz o frosez deiziataet d’ar 4 a viz gouere.
E 2024 e vefe c’hoarvezet al lodenn vrasañ eus ar fedoù. Ouzhpenn tiez o defe laeret : kirri-tan, samorelloù, stalioù a vefe bet vizitet ganto ivez.
Ha ne’z ae ket dizamant ganto pa veze anv da zigeriñ hent. Taolioù horzh a zo bet lakaet evit terriñ dorioù da skouer.
El lez-varn e oa deuet 13 ezel eus o c’humuniezh d’o souten…
Photo : DR
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
