Ur skoliadez a Ziwan Baod e oe Yuna Le Men. Ha n’he deus ket kollet he berton dibaoe. Mes a-holl-viskoazh e oe bet é vonet àr ar mor. Sot e oe get se dibaoe he bugaleaj. Hag hi 22 vlez bremañ setu hi partiet a Vrest d’ar 14 a viz gwenholon aveit ur veaj dengar. Treuziñ a ray ar mor atlantel durant blez. Mes tremen a ray dre ar Senegal aveit degas protezennoù ha reneveziñ ur skol eno. Ha ‘b’an tu-all ag ar mor e renevezo ur skol arall, ‘b’an Dominik ar wezh-mañ.
Ha dre n’he deus ket kollet he berton ha disoñjet he skol vihan e profito ag an ehanoù aveit kaozeal dre vizio get bugale Diwan Baod. Kontiñ a ray he beaj hag ar pezh a wel. Mod-se e c’hello skolidi Diwan deskiñ jeografiezh an atlantel, Afrika hag Amerika. Ha deskiñ traoù a-zivout ar mor, ar c’hlimat.
Yuna Le Men he doa dalc’het soñj a veaj Alain Malarde a Borzh Loeiz e 2012 trema Haïti pa oe bihan. ‘B’ar skol e oe hi get gwreg ar merdeour Beatris ar Mogn, renourez ar skol hag Alain Malarde a gaoze ingal get ar vugale dre urzhiataer. Bammet e oe bet ar plac’hig yaouank get-se hag e faote dezhi gober ar mem tra. Pa tistroio da Vreizh e adkrogo get he studioù a ijinourez ispisializet ‘ba savouriezh bagoù.
Illustration : DR
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine..
