« Speak Catalan » : ur gevredigezh hag a vod katalanegerien ha nann-katalanegerien evit deskiñ ar yezh

E Barcelona ez eus kalz a estrañjourien. Europeiz met ivez, ha muioc’h-mui, ekstra-Europeiz. Evel just ne ouzont ket katalaneg a-raok erruout e Barcelona, a-boan ma ouaront ez eus eus ar c’hatalaneg zoken. Setu perak eo bet savet ar gevredigezh « Speak Catalan » gant daou gatalan yaouank. Ar pal zo da lakaat ar re a oar ar yezh hag ar re ne oaront da gejañ asambles evit ma vefe desket katalaneg gant an nann-katalanegerien. Gant ar gatalanegerien e vez kontet, e katalaneg, o bro, ar gizioù, ar sevenadur d’ar re all. Mod-se e vez komprenet gwelloc’h gant ar C’hallaoued hag a gred degouezhet « e Bro-Spagn » n’eo ket ar Ramblas ul lec’h kool evit riboulat hepken. Ha gant an enbroidi ekstra-european e vez desket an doareoù da vevañ er vro hag a zo forzh disheñvel eus o re.

Evit poent ez eus 1600 den oc’h heuliañ kont Instagram « Speak Catalan » ha 200 war ar rouedad Instagram. Gant an daou gatalan hag o c’humuniezh zo bet aozet beajouigoù, frikoioù ha festoù e katalaneg nemetken.

Evel e Breizh gant ar galleg, e Katalonia e vez techet an dud da vont e spagnoleg pe saozneg gant an estrañjourion ha n’eo ket e katalaneg. Ha gwasoc’h zo : e Barcelona pe e kêrioù eus an arvor n’eo ket ur ral e vefe kumuniezhoù a dud divroet, « expat' » e galleg hag a chom etreze noz-deiz, hep klask ober anaoudegezh gant Katalaniz ha sevenadur ar vro.

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.