Perak ? Ar pap Leon XIV a zo sañset bennigañ tour uhelañ ar Sagrada Familia, an tour Jezus Christ, e Barcelona d’an 10 a viz even. Hogen ne fell ket dezhañ hen ober e katalaneg. Ijinet eo bet an iliz-veur-se gant Antoni Gaudi, ur broadelour katalan ha dreist-holl en deus koñsevet ar Sagrada Familia evel ur varzoneg mistik gouestlet d’an aotroù Doue ha da Gatalonia. An holl skridoù a zo e katalaneg er Sagrada Familia (estreget ar « Pater Noster » e 50 yezh).
Daoust da se emañ Leon XIV etre daou soñj evit ar pezh a denn d’ar yezh a vo implijet ganti pa vo beniget an tour Jezus Christ ! Hervez an dokumantoù kentañ e vo 80% eus an oferenn e spagnoleg ha 20% e katalaneg, ar pezh ne blij ket da Gatalaniz ha, da gentañ holl, d’ar vroadelourien evel just. Met, « Horribile dictu » ar vinnigadenn a vefe e spagnoleg penn-da-benn ! Biskoazh !
Octavi Vilà, eskob Gerone, en deus goulennet e vefe implijet muioc’h ar c’hatalaneg en oferenn hag e vefe klevet yezh Gaudi ivez er vinnigadenn. Ar pellgomzerioù a vefe o virvilh etre Roma ha Barcelona hervez kont.
Met ur skoilh all a zo war an hent etre Roma ha Barcelona evit Leon XIV : gourdrouzet eo bet gant ar Stad Islamek an deizioù diwezhañ. « ra vezo an deizioù-se ar re ziwezhañ » a zo bet skignet war ar rouedadoù sokial gant ar strollad islamour dindan foto ar Pap.
Arabat ankounac’haat e teu Leon XIV e Bro-Spagn ha Bro-Gatalonia hag a zo un arrouez pennañ evit an islamourion. Evite eo ar gourenez iberek « Al Andalus », douar an Islam da viken.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
