Ur c’hant bennak a zilennidi eus Katalonia, norzh ha su, o deus en em gavet e Parlamant Barcelona d’ar gwener 30 a viz genver evit prezantiñ ur mennad sinet gant 258 kuzul-kêr hag a c’houlenn e vefe anavezet ar c’hatalaneg evel yezh ofisiel en Europa hag adunvanet Bro-gKatalonia. En em dolpet o deus tout an dilennidi-se e-barzh stern ar c’houlzad Una Llenga sense fronteres (« Ur yezh diharz ») kaset da benn gant ensavadurioù ha kevredigezhioù dizalc’hour, dreist-holl unan eus an Norzh : Les Angelets de la Terra.
En norzh eo bet sinet ar mennad gant 108 kuzul-kêr eus Katalonia-Norzh diwar ar 198 a zo e departamant Pireneoù ar Reter (ar 28 all a zo okitan) memestra. Ar pezh n’eo ket netra !
En nevez-amzer 2026 en em gavout a raio an dilennidi en-dro, e kambr koñvers ha greanterezh eus Perpinya ar wech-mañ, evit ar 7vet « Trobada sense Fronteres de municipis catalans ». An deiz-se e vo kaset war-raok an darempredoù ekonomikel ha politikel etre an daou du eus ar vevenn. Ha tout-se a vo dalc’het e katalaneg evel just ha n’eo ket e galleg pe spagnoleg.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
Une réponse à “Bro-gKatalonia : 258 kuzul-kêr evit ar c’hatalaneg ofisiel en Europa hag ur vro adunvanet”
Gourc’hemennoù d’ar Gatalaned, kalonek int. Tud kar-o-bro ! En em garout a reont o-unan, ar pezh ne seblant ket anat e-touez an holl bobloù.