Pondi : ur levr àr « Trelo », karter ar vicherourion hag ar rilhennoù-kailh gwezharall

‘ba Pondi eh eus ur c’harter un tamm ‘ba e bart : karter Trelo an hini eo. Gwezharall e oe ur c’harter poblek, get uzinoù ha micherourion, tavarnioù (21 en holl !) ha boutikoù a bep sort. Mes ivez get un dropellad a rillhennoù-kailh é redek dre e straedoù. Hag èl rezon « Gouelioù Trelo » anavezet mat er vro ! Bep blez e veze dilennet ur maer faos durant ar gouelioù. Ar gevredigezh « Les Amis de Pontivy » hag a labour àr istor ar gêr zo é paouez embann ur levr àr ar c’harter-mañ : « Le Tréleau de notre enfance » e didl. D’ar 26 a viz mezheven e c’hello an den e breniñ ‘ba stalioù-levrioù Pondi ha ‘ba boutikoù arall.

Get Jean-Pierre Arno, bet ganet ha maget ‘ba Trelo eo bet lañset ar raktres, mar a hini en deus labouret àrnañ durant mizioù.

D’ar 25 a viz mezheven e vo aozet ur nozezh ‘b’ar sinema Rex ma vo bannet filmoù kozh àr Gouelioù Trelo. Prezantet e vo ar levr gant an abadenn.

Ur bouchad levrioù a zo bet embannet get ar gevredigezh « Les Amis de Pontivy » dija. ‘ba o zouesk : 150 niverenn ag ar gelaouenn : « La Chronique de Pontivy et de son pays ». Interesus-tre !

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.