Biskoazh a vravoc’h ! M’Bemba Guirassy a zo ur marabout efedus ha fin ! Gantañ e vez sakrifiet krokodiled en Afrika (sañset), lennet pennadoù ar C’horan, c’hoariet gant amuletennoù a bop sort ha setu sevenet c’hoantoù ar re a bae anezhañ. Kement ha kemer ur skouer : Dav eo paeañ 6 790 € evit lakaet da sakrifiañ ur paourkaezh krokodil en Afrika ! N’eo ket ker… Ma vefe ur pemoc’h e vefe marc’hadmatoc’h memestra !
Bremañ emañ o chom e Avignon kar un den hollbouezus evit Bro-C’hall an hini eo. Met e 2022 e oa o chom e Breizh. Ur pratik en doa d’ar mare-se. Hemañ a oa e penn un embregerezh e Sant-Maloù hag e foñs an toull e oa. Poan-spered gantañ. E penn kentañ e oa normal koulskoude met tamm-ha-tamm e voe dindan dalc’h ar marabout. Betek tremen nozvezhioù o tivizout gantañ. Mui an SMSoù. A-benn ar fin e roas dezhañ 166 000 € evit ket ha netra. « Hudouriezh » a lâre-eñ.
A-benn fin ar c’hont(où) en em lazhañ a reas paotr Sant-Maloù. Kemeret en doa dleoù partout. Ur wreg hag ur bugel a nav vloaz en doa. Ar varnerien o deus istimet e oa ul liamm etre levezon ar marabout ha diskar ar paotr. An Afrikan a gase SMS diouzh noz, ar paourkaezh den a oa skuizh-marv. Roet en doa dezhañ e argant, ha neuze argant an embregerezh ha neuze argant amprestet gantañ digant mignoned. A-raok tarzhañ, aet e spered digantañ.
Goude an divizoù, e fin ar prosez hag a oa d’al lun 8 a viz even e lez-varn Roazhon, e chomas ar varnerien oc’h en em guzuliañ e-pad ur pennadig. E-keit-se e profitas ar marabout da dec’hout kuit.
Kondaonet eo bet da 18 mizvezh a doullbac’h memestra. Met pelec’h emañ bremañ ? Gant ar grokodiled majik surawalc’h
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
