Plijus eo da vont da bourmen e park Beauregard e Roazhon kar delwennoù hag oberennoù arz a zo strewet amañ hag ahont, ar vugale a c’hell ebatal ivez, disoursi, ul lec’h sioul eo, pell eus trouz kreiz kêr.
Met er mare-mañ n’eus ket mui moaien mont da bakañ un tamm aer fresk e Beauregard evel boas : 70 repuad o deus plantet o zeltennoù er park. Hag abaoe miz meurzh emaint eno. Tud eus Aod an Olifant, Afghanistan, Jeorjia peotramant Kongo eo, paotred al lodenn vrasañ anezhe. Ur c’hog dour a zo nemetken evit tout an dud-se ha n’eus ket nemet daou brivezioù staliet gant ti-kêr Roazhon. Pelec’h e vez graet o louz gante neuze pa n’eo ket dieub ar privezioù-se ? Deoc’h da zivinout…
Emaint o c’hortoz paperioù peogwir e vez lavaret laerezh al loar gant ar c’hevredigezhioù eus an tu-kleiz pellañ a ra war o zro pe a vez o rodal tro-dro dezhe evit enrollañ anezhe en o stourmoù.
Ha perak emaint amañ ? Perak eo deomp da gemer anezhe e karg ? Ur vro o deus ha n’eus tamm brezel ebet en o broioù.
Hag evel just ez eus tud, kazetennerien sañset, o vont a-du krenn gante, evel amañ.
Ha perak ne vefe ket degemeret anezhe e ti bras Ici Armorique bali Janvier e Roazhon ? Plas a zo evelkent, dreist-holl e-pad an hañv dre ma’z eus nebeutoc’h a dud o labourat er radio. Koñsorted kaer, digoret an dorioù !
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
