Roazhon : ur dibenn-sizhun wok ha nec’hus

Sellit mat ouzh ar skritelloù-mañ. Sellit mat ouzh ar pezh a zo skrivet warno. Un dibenn-sizhun aozet gant A2C a vo e Roazhon disadorn ha disul a zeu. Ur strollad marksour eo A2C met diwallit n’eo ket unan evel ar re all. Unan didrevadennour da vat eo. Met, dreist pep tra, ar strollad a zo amduek evit ar pezh a denn d’ar stourm armet. Da skouer, lennit mat titl an diviz kentañ. E galleg : « S’armer pour se défendre ». Abaoe pell ez eus divizoù er strolladoù eus an tu-kleiz pellañ evit gouzout hag e vo adlañset ur strollad kuzh pe get. Eüruzamant, al lodenn vrasañ anezho a zo bourc’hizion, mibien pe merc’hed o zad, ha n’int ket kalonek a-walc’h evit sevel un Action Directe nevez met ul lodennig anezho a vefe prest da vont dreist al linenn memestra.

Ha lennit mat titloù an divizoù all : « Palestin », « brezel Aljeria », « yun « labourerion dibaper » e Paris », « stourm a-enep an impalaeriezh gall » … n’eus nemet se a gont evito bremañ. « Ar re all ». An enbroidi, Ar vuzulmaned. Ne vez ket komzet ken eus stourm Lipp pe brezel Bro-Spagn pe an harzoù-labour e Sant-Nazer er bloavezhioù 70 ha 80 er metoù kleizour. Ne reont foutr kaer eus ar bobl, eus ar re wenn , n’eus ket nemet an enbroidi, ar Palestin pe an Aljeri a gont evito.

Troet he deus sot an tu-kleiz. Met n’eo ket sot hepken, sot ha dañjerus ne lavaran ket.

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.