Ar Vretoned a oa bet mantret o welet ar video skignet war ar rouedadoù sokial e miz gwengolo 2025. Warni e weled ur c’hrennard (20 vloaz memestra) eus lise Fulgence Bienvenüe e Lozaog (Loudia) savantennet gant paotred all (hag ur plac’h). 12 e oant en holl, o skeiñ gant ur paotr yaouank aonik e-unan. Un arouez eus ar gevredigezh a-vremañ, deuet da vezañ taer. Ken taet hag an tan ! Dreist-holl ar re yaouank. Un arouez eus ar « sevenadur banlev » ivez ‘m eus aon.
D’ar gwener 3 a viz gouhere e oant holl dirak lez-varn An Oriant tra ma oa bet barnet ha kondaonet dija pevar anezho gant lez-varn Sant-Brieg e miz c’hwevrer. Ne oant ket fier kar war ar rouedadoù sokial hag er mediaoù e oa bet anv eus an afer-mañ. Lod o doa paket zoken, gant tud ha ne oant ket finoc’h egeto ‘m eus aon.
E An Oriant, pemp den yaouank a zo bet kondaonet da « ziarbennoù desavadurel » e-pad 6 betek 12 mizvezh, da lavaret eo tost netra. Graet e vo war o zro ha selaouet e vo o « zraomategezhioù » hag o « enkrezioù » moarvat. Pep hini a dleo paeañ 5900€ d’ar paotr taget mui 600€ pep hini d’e zud, memestra.
E miz gwengolo e vo gouvezet kastizoù ar re varnet e miz c’hwevrer.
An hini a oa e penn ar vazhadenn a zo bremañ dindan evezh barnerezhel goude bezañ bet lakaet en ur greizenn zesavadurel serr e-pad ur mareig.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
