Gant an « enklask sokioyezhoniel war yezhoù Breizh » bet graet e 2024 e ouarer eo 35% hag ar re a zo o chom e Breizh bremañ a zo ganet e-maez ag hor bro, 5% muioc’h eget 2018 !
Hag abaoe bloavezhioù e veze klevet un nec’hus a bater : Breizh, hor bro, a vefe ur seurt « repu klimatek » evit ar re o deus re domm dezhe.
Ker e oa ar madoù-leve dija evit Yann Vrezhon, met gwasoc’h e vo kar setu ni tonket da zegemer tout an « dhermofobed » a zo e-sigur e vez kentoc’h klouar an hin e Breizh.
Gant an amzer c’hor a zo war hor bro er mare-mañ marteze ne vo ket ken techet an dhermofobed d’ober annez er C’hap pe e Sant-Maloù. War a seblant emañ feskoc’h an amzer en Tunizia eget e Brest er mare-mañ. Memestra evit Paris. Setu aze keloù mat evidomp, a-benn ar fin. Echu eo gant mod « Breizh repu klimatek ».
Ar pezh zo, ma vefen eus an inizi Féroé pe lec’hioù zo eus Norvej em bije dizfiziañs avat. Kar ne vefen ket souezhet e vefe prenet tiez er broioù-mañ gant kêriz eus Paris pe Londrez o labourat dre internet prest da guitaat ar c’hêrioù 4 pe 6 mizvezh ar bloaz pa vo re domm an amzer. Gant ar bed mondializet ne vefen ket souezhet e vefe seurt giz da gaout ur penn-ti bennak en un bro eus an norzh evit ar vourc’hizien 10.0.
Betek bremañ ar re-se a skampe kuit d’ar Portugal pe da Varcelona d’ar goañv. Bremañ e c’hellfent ober ar memestra e Norvej pe Féroé d’an hañv. Mod-se emañ ar bed mondializet. O bro, o labour hag o zi a zo en o urzhiataer hag o valizenn ! Ne vern deus pelec’h e labouront ! Ne vern pelec’h emaint o chom. Gant ma vez pell eus al « liesseurter » evel just !
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
