…Peogwir ne ya ket ar re eus an tu-dehoù er c’hevredigezhioù !
Ar pennad a c’hellfe achuiñ amañ. Un afer a sevenadur eo. Ha, peurvuiañ, n’emañ ket ar « spered kevredigezhel » gant tud eus an tu-dehoù. Hag ar c’hontrol gant ar re eus an tu-kleiz.
Ar re eus an tu-dehoù a zo kentoc’h techet da gemer perzh en oberoù a vadelezh katolik. Ha c’hoazh ! Bremañ ez eus nebeutoc’h-nebeutañ anezhe pe ar re a chom a sav skolioù er Burkina-Faso abaoe 40 vloaz.
E Bro-C’hall ez eus 1,5 milion kevredigezh. Ne lavaran ket ez eus tud eus an tu-kleiz e penn anezhe tout met kalz anezhe a zo meret gant tud eus an tu-kleiz, mod-se emañ. Ar pezh a dalv en deus an tu-kleiz seurt boutikoù er sosiete a-bezh. Ha plediñ a ra dreist-holl gant kevredigezhioù sevenadurel pe gant ar pezh a zo anvet an « deskadurezh pobl ».
Er bed sevenadurel breizhad emañ gwasoc’h an traoù c’hoazh. An holl gevredigezhioù a bled gant sevenadur Breizh ha yezhoù Breizh a zo mui pe vui dindan dalc’h an tu-kleiz. N’eus ket nemet ar re gristen a zo merret gant tud normal (ha c’hoazh, depand a ra…). N’eo ket souezh eo ken troet a-gleiz an Emsav neuze ha dreist-holl an Emsav evit ar brezhoneg.
D’ar re ha n’int ket eus an tu-kleiz da gemer perzh er c’hevredigezhioù m’hon eus c’hoant da cheñch penn d’ar vazh un deiz bennak ! Ar re eus an tu-kleiz o deus kemeret ar plas hon eus lesket dezhe ha netra ken.
Met evit hen ober e tleo an tu-dehoù terriñ e dech « hiniennelour ». Ha se zo un afer all.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
4 réponses à “Perak ez eus kement a gaochisted er c’hevredigezhioù ?…”
An dud a-zehou ne blij ket dezho ar reizhded bolitikel (skridoù enklozet, sevenadur WOKE er ster ledanañ, hag all), hag ar sevenadur-se a zo mestr e-barzh ar c’hevredigezhioù
Ha ne zijonjomp ket goude 1945 evel e Bro Frañs ar re an tu dehou a zo be bet toulbac’het ha memes fuzuilhet!
N’eo ket ken simpl ha-se…
1. Skarzhet e vez an dud deus ar c’hevredigezhioù pa vez gouiet int deus an tu-dehou.
2. Roet e vez amzer evit kas war-raok mennozhioù an tu-kleiz, peogwir n’eus ket moaien enebiñ ouzh traoù zo mod-all e vezer skarzhet (poent 1).
3. Pa vez kinniget un dra divoutin betek-re, ma ne vez ket asantet silañ aviel an tu-kleiz e-barzh (poent 2) e vo nac’het an darvoud hag e viot sellet a-dreuz.
Diaes-tre eo reiñ amzer e-barzh ar c’hevredigezhioù sevenadurel, peogwir e vez roet amzer evit stourmoù an tu-kleiz, hag e vez tremenet kalz amzer oc’h enebiñ ouzh traoùigoù e-plas krouiñ pe kas war-raok traoù a-bouez.
Emglev an Tiegezhioù zo ur gevredigezh katolik a diegezhioù (ha tud dizimez) brezhonek ned int ket int holl kristen dre ret. Ne c’houlennomp ket ket menozioù an dud. Sellout a reomp ouzh an Emsav evel egin ar Vreizh a fell deomp sevel, ur gumuniezh a dud dishenvel o menozioù : ret ober ar c’hemm etre an dud hag o menozioù.
Skarzhet omp bet diouzh Kuzul ar Brezhoneg (daoust maz omp unan eus an izili o deus e grouet), Gouel Broadel ar Brezhoneg (peogwir e lavaremp e oa Macron a-enep an tiegezh), Ti ar Vro Landerne (peogwir e klemmemp e vije graet bruderezh evit drakwined o plediñ gant ar vugale)…
En em c’houlenn a reomp avat perak ez eus ken nebeut a dud o lakaat o anv en hor c’hevredigezh e-touez an dud « normal » evel ma lavarit. Deuit e darempred ganeomp ha ni ho sikouro rak un « ostaleri spagnat » eo Emglev an Tiegezhioù https://emglev.wordpress.com/2026/04/30/lizhe-an-emglev-mae-2026-niv-22/