Nag ur ranngalon : achu eo get ar vagouri Babigoù Breizh ‘ba Gwened a-c’houde 14 vlez é tesevel pouponed e berton. Problemoù argant a oe er gevredigezh, ya sur, kar àr-digresk e ya an argant roet get kêr Gwened ha kêr Bleskop ha 45 000€ a vank er c’hefoù mes problemoù tud a oe ivez. 5 krouedur a oe enskrivet ar blez-mañ ha é cheñch atav an implijidi é labourat a-barzh. 16 den a zo bet gopret e-korf tri blez ! A-wezhoù e oe serret ar vagouri.
Mes perak e ya da get ensavadurioù an Emsav èl-sen ? A-gaoz d’ar wokism èl rezon ! A-gaoz da spered an amzer vremañ an hini eo ! ‘Ba holl gevredigezhioù gouestlet d’ar langach berton peotramant d’ar sevenadur eh eus problemoù. Problemoù etre an dud, problemoù etre an dud a youl vat hag an implijidi, problemoù etre an implijidi, problemoù etre tud ar vugale hag ar skipailh pedagogel ‘b’ar skolioù, problemoù, problemoù…
C’hwi zo e penn ur gevredigezh bennak ? Arabat gopraat tud yaouank da skouer, ar re-se a zo wok holl anezhe bremañ ! Surtout m’int bet stummet ‘ba Roazhon 2. Trist eo skriviñ se. Ha me zo sur eh eus tud yaouank sirius ha normal ivez ‘ba Roazhon 2, mes diaesoc’h-diaesañ eo o c’havout. Ema ar re wok é vonet da c’houlenn ganeoc’h traoù dibosubl. N’eus ket mui spered ar stourm, spered an Emsav gete. C’hoant o deus da vout tretet èl roueed pe priñsezed ‘ba hor c’hevredigezhioù. Ha setu int ehanet ken buan ha tra ma ne vez roet dezhe ar pezh a c’houlennont. Groeit e vez « burn-out » aveit netra gete. Me zo bet ‘ba ur gevredigezh breizhad a vro An Oriant hag em eus bet ma lod. Chaoket ‘m eus ma stripoù gete !
Ar wokism a zo ur c’hrign-bev aveit an Emsav. Ema deoc’h e tebriñ ag an diabarzh. Ha ‘b’ar c’hevredigezhioù n’eo ket ar wokisted a-enep ar re arall eo kar en em zebriñ a reont etreze ivez. Bout zo bec’h gete noz-deiz hag aveit forzh pesort tra. Mes gete eo an « holl a-enep an holl ». Kar lakaat a reont reustr ha keflusk e forzh pesort boutik e arruont.
Gwezharall e oe kentoc’h jeu etre « rannvroleourion » ha « broadelourion » ‘ba hor c’hevredigezhioù ha skolioù. A-wezhoù e oe mod-se. Mes an holl dud-se a oe kar-o-langach a-wael ha kar-o-bro ivez nag e oe dishañval o doare da welet « Breizh dieub ». Mes bremañ n’eo ket mui sort tud a zo ‘ba hor c’hevredigezhioù. N’int ket mui emsavourion aveit Breizh, emsavourion aveit ar feminism (ha n’eo ket aveit ar merc’hied !), aveit an LGBT, aveit an embroidi eo. Tud trelatet peurvuiañ, mesket o spered. Mesket o spered get teoriennoù toull ar wokism surtout.
Poent eo cheñch penn d’ar vazh tudoù ! Poent eo skubiñ an oaled hag adkavet un Emsav « normal ». Get tud ag an tu-dehoù pe an tu-kleiz pe tud ha n’int ket politik mes tud normal ha n’eo ket wokisted o blev glas, paotred get sae pe me ouia. Poent eo lakaat hor c’hevredigezhioù, hon Emsav e reizh !
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
2 réponses à “Achu get Babigoù Breizh ‘ba Gwened”
Er miz-mañ e klask ar skolioù divyezhek bugale nevez.
Unan eus va bugale vihan a oa sañset mont da unan anezho.
Met war borzh ar skol e oa ur vamm gant ur c’hrog metal ouzh he divfronell hag ur c’houblad a vro Afrika du gant pemp bugel bet ganet an eil war lerc’h egile, an hini diwezhañ ouzh bron e vamm.
Mont a raio va mab bihan en ur skol er-maez kontrad katolik ha me a baeo.
Ya, trist eo gwelout penaos o deus an dud normal, ha tud normal an tu dehoù dreist-holl, dilezet pleustr ha treuzkas ar brezhoneg d’ar c’haochisted diskaret (=dégénérés) ha d’ar wokisted. Met n’int ket perc’henn war hor yezh, na vezomp ket dipitet ha chomomp start ! Implijomp ar brezhoneg, hor gwir eo.