Gwechall ne veze ket graet eus kontre Machikoul ar « Marais breton-vendéen » rak ne oa ket eus ar « Vendée ». E 1790 eo bet krouet departamant ar « Vendée » diwar anv ur stêr a dreuz an tiriad-se anvet « ar Poatev-Izel » gwechall. Ar « Marais Breton » a veze graet eus bro Machikoul ha netra ken. Kenderc’hel a ra ar re gozh d’ober gant an anv-se pe gant ar ger « Marô » e parlant ar vro.
Er Marais Breton neuze warlene e stourmas tud ar vro a-enep raktres an embregerezh Airseas. Fellout a rae da Airseas sevel un dachenn-esae evit ul lien ramzel er kreiz ar wern. Ul lien a oa sañset talvezout da geflusker naturel evit al listri-karg. Ur raktres ekolo neuze hag en defe lakaet brall-divrall kempouez naturel ar Wern ! A-benn ar fin eo bet trec’h tud ar vro hag embannet eo bet gant Airseas e chome a-sav. Liammoù kreñv etre an dud a zo bet ganet diwar ar stourm-se avat hag a-benn ar fin e tivizas reoù zo da genderc’hel gant an avañtour dre « ober traoù asambles ». Setu penaos ez eus bet lañset ur gazetenn « Le Marais libre, le canard du marais breton » nevez zo. 140 skouerenn a zo bet embannet evit an niverenn gentañ. Er gazetenn-se ez eus pennadoù diwar-benn an natur, buhez ar wern, gizioù ar wern. Ur gwir c’hazetenn lec’hiel evit tud ar vro !
Evit mont e darempred ganto ha kaout un niverenn : [email protected]
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
