Moarvat ne ouie ket Yvan Colonna e vefe bet kement a drouz hag a cheñchamantoù melestradurel abalamour d’e varv ! Goude Korsika ha Breizh, tro ar Guyan an hini da reklem ur statud emrenerezh. D’ar sadorn 26 a viz meurzh ez eus bet votet ur goulenn a emrenerezh kaset d’ar gouarnamant gall ha d’an holl re war ar renk evit ar votadegoù prezidant.
« Dav eo tennañ splet eus tren Korsika » a lavaras Gabriel Serville anezhañ prezidant strollegezh Guyan.
Ur bodad labour a vo savet gant ar strollegezh, fiziet ennañ ar c’harg da brientiñ un danvez-statud da ginnig d’ar gouarnamant gall a-c’houde ar votadegoù.
Fellout a ra d’an dilennidi guyanad kaout un emrenerezh lezennat evel e Kanaki pe Polinezi ha n’eo ket un emrenerezh seveniñ evel m’emañ bremañ.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
