Keloù mat en Aodoù-an-Arvor : marteze e vo savetaet levraoueg Kawan, al levraoueg nemeti er bed a-bezh gouestlet d’al levrioù ha kazetennoù e brezhoneg ! D’an nebeutañ zo bet kavet un diskoulm war verr dermen.
Goude bezañ savet o mouezhioù o deus bet izili Ti ar Vro Treger-Goueloù un emgav gant Departamant Aodoù-an-Arvor, Lannuon-Treger Kumuniezh, Gwengamp-Pempoul Agglo ha kumun Kawan d’an 11 a viz c’hwevrer. Da heul an emgav-mañ eo bet embannet gant Patrice Kervaon, bez-prezidant evit ar sevenadur en departamant, e vo astennet ar feur-emglev etre an departamant ha Ti ar Vro betek an 31 a viz kerzu 2025. Amzer da gavout un diskoulm padus evit ma vefe savetaet da vat al levraoueg.
Photo : DR
[cc] Breizh-info.com, 2025 dépêche libre de copie et diffusion sous réserve de mention de la source d’origine
