Goude Fañch ha Derc’hen e Breizh setu Antòn en Okitania !
Antòn Gavalda a zo ur paotr nevez-ganet e kêr Nîmes e Bro-Okitania. Fellout a rae d’e dud e vefe enskrivet anv o mab gant an “ò” evel ma vez skrivet en okitaneg. Ouzhpenn-se e oa Antòn anv tad-kozh an tad, ur repuad asturian anezhañ en doa graet annez en Okitania goude mare ar frankism. Nac’het eo bet gant implijidi an ti-kêr ! Gouez dezho n’eo ket an “ò” ul lizherenn implijet e “galleg hengounel”. Ha gwir ! Met ouzhpenn ar galleg a vez komzet e Nîmes, tudoù…
A-benn ar fin ne fellas ket d’an tad ha d’ar vamm kregiñ gant un hir a stourm hag asantet o deus e vefe enskrivet o bugel dindan an anv “Anton” hep skej eta. Ne vir ket outo da vezañ mennet d’ober gant Antòn er paperachoù nann-ofisiel.
Evit Lilòia n’eo ket bet memes kont, avat. Enskrivet eo bet nevez zo war ar roll hep ma vefe tennet an “ò”. Hogen e… Beljia eo bet enskrivet ar plac’hig-se, ganet eus ur c’houplad okitan harluet er vro-se.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
