Reuz ha safar a oa bet e Breizh hag e Bro-C’hall a-bezh pa oa kouezhet Anna-Chloé, ur grennardez afrikan, war porzh ul lise eus Chamberry e Bro-Savoa. Kouezhet e oa hec’h-unan ha stoket he doa he fenn ouzh ur bank. Gloazet e oa bet gant se hag adwriet da c’houde.
Met ne fellas ket d’ar vamm (ur gamerounadez anezhi) anzav e oa kouezhet he merc’h hec’h-unan. Savet klemm he doa rak Anna-Chloé a grede e oa bet bountet gant « skolidi gouennelour » ha galvet an dud da vanifestiñ. Ha, dreist-holl, he doa reklemet ar vamm e vefe kaset arc’hant dezhi evit paeañ ur breutaer ha « profigoù da Anna Chloé ».
Siwazh n’eo ket bet kredet nag Anna-Chloé nag he mamm gant ar lez-varn rak disklêriet « didalvoud » eo bet klemm mamm Anna-Chloé d’ar meurzh 23 a viz meurzh. Echu gant an afer ha padal e kendalc’h ar vamm d’ober safar. Reklem a ra souten an UNESCO pe me oar bremañ !
Da c’hortoz emañ lise kozh Anna-Chloé o c’hortoz disoc’hoù ar glemm a zo bet savet a-enep ar re a c’houdrouzas rener al lise da heul lamm ar grennardez
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
