Bep bloaz e vez ar memes c’hoari e bro Sant-Nazer pa erru an hañv : Termajied oc’h en em staliañ a-zruilh war tachennoù prevez. Hag, evel just, n’haller ket o skarzhiñ. Abaoe ar sadorn 2 a viz gouere setu ar pezh a c’hoarvez e Korzed, e Bro-Raez.
E Korzed, 400 karavanenn o deus en em staliet war tachennoù prevez hep goulenn gant den ebet. Tachennoù ha parkoù evit al labour douar sañset. E kreiz an endervezh setu plantet ar c’haravanennoù, staliet ar mekanikoù gwalc’hiñ ha diskarget ar poubelennoù kentañ. Ha padal ez eus un dachenn evit o degemer e Sant-Brewen, met blev ! Diwar abegoù diaes da gompren evit Yann Gadjo ne fell ket da veuriad-mañ-meuriad mont d’en em staliañ war tachenn-mañ-tachenn rak chikan a zo etrezo hag ur meuriad-all.
Lavaret eo bet gant maer Korzed e vo savet klemm dirak al lez-varn kerkent ha dilun. Soutenet eo gant « kevredigezh ar vaered eus Liger-Atlantel » hag he deus embannet ur gemenadenn m’emañ skrivet « e-barzh ar Republik emañ kumuniezh an dermajied. War-se he deus gwirioù met ivez dleadoù ».
Bep bloaz e vez ar memes c’hoari e Bro-Naoned ha bep bloaz e klever ar memes digarezhioù.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
