Ar studier en doa tremenet e vakañsoù o labourat e Sant-Nazer. Hag evit mont da labourat en doa ezhomm eus e droderez tredan. Siwazh dezhañ, d’an 03 a viz gwengolo, tro kreiznoz e karter an ti-gar, setu ar studier o kejañ ouzh un tunizian o tispakañ ur gontell.
Hag an tunizian oc’h ober biz outañ ha c’hoari gant ar gontell dirak e fri. A-benn ar fin ez eas kuit gant an droterez
Antronoz, emañ ar paourkaezh studier o pourmen e kreiz-kêr. Ha piv a zo o pourmen e galite hag e feniantiz er memes straed hag er memes mare ? An Tunizian evel just ! Gervel a ra ar studier ar boleserien a oa nepell ac’hann ha tapet al laer ganto.
D’ar 06 a viz gwengolo e oa hennezh dirak lez-varn Sant-Nazer. Gouez dezhañ n’en deus tamm envorenn ebet eus e laeroñsi rak, an noz-mañ e oa boeson gantañ mui ar valium en doa lonket. Hervez e vreutaer e c’hell « bezañ sot pa ne gemer ket e louzoù ».
Ar studier, eñ, n’emañ ket el lez-varn rak « aon en deus ».
Kondaonet eo bet an Tunizian d’ur bloavezh toull-bac’h. Ne vo ket skarzhet goude e staj er prizon, avat daoust dezhañ kaout 6 menneg war e roll dija ! Ur « Chañs evit Breizh » eo moarvat…
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
