Pornizh : un den a-evezh war ti e amezeg kontellet gant daou laer

E meur a gêr e vez laouen an dud da eveshaat war tiez o amezeien pa’z eont kuit da vakañsiñ. Ur seurt « kengred karter » eo, kuit da baeiañ embregerezhioù surentez koustus-kenañ.

E Pornizh ez eus bet lakaet seurt sistem e pleustr. Siwazh, d’an 11 a viz gwengolo eo bet kontellet ur paotr en e 60 vloaz gant daou laer a oa o rodal tro-dro d’un ti.

Tro 4e30 GM e kêriadenn an Tabier e Pornizh, daou zen a zo en ur c’harr-tan. Parket dirak un ti m’emañ e berc’henn o vakañsiñ. Un amezeg en deus gwelet an daou lampon. Mont a ra da doullañ kaoz ganto met int az a e fulor ha stekiñ ouzh karr-tan ar fri furch. Klask a ra kregiñ e-barzh e bellgomzer evit ober fotoioù anezho met ne zeu ket a-benn : an daou laer a ro taolioù kontell dezhañ. Kouezhañ a ra dirak e wreg vantret, gloazet e meur a lec’h.

Kaset eo bet d’an ospital gant ar SAMU. Ouzhpenn d’an taolioù kontell eo bet torret e glopen gant al laeron. Dimeurzh vintin e oa en arvar bras c’hoazh ken ne oar ket ar medisined ha savetaet e vo pe get.

War-dec’h emañ an daou laer.

Crédit photo : DR

[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine

Laisser un commentaire

Votre adresse e-mail ne sera pas publiée.

- Sécession la première parution de Yann Vallerie, rédacteur en chef de Breizh-info -

- Je soutiens BREIZH-INFO -

PARTAGEZ L'ARTICLE !

LES DERNIERS ARTICLES

ARTICLES LIÉS

ABONNEZ VOUS À NOTRE NEWSLETTER

Pas de pubs, pas de spams, juste du contenu de qualité !