D’an 11 a viz gwengolo 2022 e oa bet tapet ur Brezilian a 19 vloaz o laerañ un ti e Pornizh gant un amezeg, un den en e 60 vloaz. Souezhet e oa bet an den kozh o welet un Dacia Sandero parket dirak ti e amezeien e kêriadenn Tabier e Pornizh rak gouzout a rae e oant distroet da bParis goude fin o vakañsoù e Breizh. Graet en doa fotoioù eus ar c’harr-tan hag ar re a oa ‘barzh : gwisket e du gant kougoulioù war ar fri. Iskis, iskis !
Inervet o welet an den kozh o rodal tro-dro dezho, en doa sailhet unan eus al laeron warnañ ha kontellet anezhañ. Bountet e oa bet e wreg er foz goude-se. Peuzgoude e varvas ar paourkaezh tad kozh. Spont ha glac’har a voe er vro goude-se !
Buan-tre e komprenas an archerien piv en doa graet an taol rak anavezet e oa ar muntrer ganto : un takennad gwad a voe kavet en ti hag e-barzh karr-tan ar c’houplad kozh. Laeret e oa bet an Dacia e Naoned just a-raok ha lakaet e oa bet tan ennañ goude al laeroñsi.
Ur Brezilian yaouank e oa bet serret e ti e vamm e Naoned goude-se : o kas selfioù anezhañ war ar rouedadoù sokial e oa, e zorn bandennet !
Arruet e oa e Breizh en e oad tenner met spontet e oa bet o welet fuzuilhadegoù e Bro-Vrazil pa oa yaouank. Ha spontet ivez gant an disurentez a oa o ren en e vro orin ! Hag eñ o laerañ tiez hag o kontelliñ tud e Breizh !
Pa oa bet goulennet gantañ gant an archerien : « perak ho peus un Opinel ganeoc’h ? » e respontas : « pa vez gwelet petra eo deuet da vezañ Naoned… » Ha gwir !
Abalamour da dud eveltañ eo deuet Naoned da vezañ ur gêr feuls ha n’eo ket sur ken.
Kondaonet eo Pedro Rafael Alves bet da 25 vloaz toull-bac’h.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
