D’an 02 a viz kerzu e oa sañset kregiñ an dalc’h, a-benn ar fin eo bet diwezhataet d’ar 16 a viz even 2023 : 181 bleiner gwetur eus Bro-Raez a c’hortoz gouzout piv a forsas o oto e 2020. Pornizh, Bouez, Santez-Pezhenn, Sant-Pêr-Raez, Kervernez-Raez, … n’eo ket ur gumun a voe gweladennaet gant al laeron met meur a hini. Ha frouezhus e voe ar « razzia » : lunedoù, pellgomzerioù-hezoug, kartennoù-bank, boutailhoù gwin, GPS, valizennoù, dilhad, sigaretennoù.
Met piv a reas tout se ?
D’an 02 a viz kerzu e oa galvet un Aljerian dirak lez-varn Sant-Nazer. Diskred eo laeroñsi warnañ. Hervez ar polis en defe skrapet kement-mañ asambles gant ur c’henseurt. E miz even e vo gouvezet muioc’h diwar-benn an afer rak unan eus an daou a c’houlennas e vefe diwezhataet ar prosez, pezh a voe asantet gant ar barner.
Da c’hortoz, emaint dieub o daou !
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
