An holl dud ag An Henbont a anaveze Didier. Ur paotr aflijet en e 60 vlez e oa eñ. Ur gar dezhoñ a oe bet troc’het a-gaoz d’e yec’hed fall. En un deltenn staliet e park Kerbihan e oe é kousket an holl nozvezhioù. Marv eo Didier en penn kentañ miz kerzu, ken yen e oe an amzer d’ar mare-sen. Skornet. Na drist an traoù !
El rezon ne faote ket dezhoñ bout heuliet get ar servijoù sokial èl ur bouchad klaskerion bara èltañ na bout e oe heuliet get ur guzulierez ha prederiet e gar get ur c’hlañdiour ur sort mes pegen mantrus eo soñjal zo tud, bretoned a ouenn vat, èl Didier é kousket er-maez tra mah eus kement a estrañjourion, « repuidi » èl a lâront, é kousket e tier toemm. Greomp àr-dro hor re e-lec’h soursiiñ doc’h ar re arall, nondetoui !
Ur gevredigezh a zo e An Henbont. Lan a c’haochisted enni ! Seul gwech mah eus un estrañjour dibaper kaset d’e vro e huchont forzh pegement ! Hag hor re ‘ta ! Mizer a zo àr ar maez, forzh mizer ! Ha muioc’h-muiañ dibaoe ar C’hovid ! Familhoù a-leizh a vez é fritiñ mizer get an enkadenn ekonomikel mes n’int ket ekzotek a-walc’h aveit « madamed » ar c’hevredigezhioù sur-mat !
« Hor re e-raok ar re arall » ! Setu ar pezh a dlehe bout hor ger-stur !
Ra vo skañv douar Breizh aveidoc’h Didier
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
2 réponses à “An Henbont (56) : Didier zo marv, reoù arall a zo toemm dezhe”
Na pezh un dismantr alkent.
Mui oc’h mui a c’haochisted sot, mui oc’h mui a vourc’hizion « vacronizaet, » mui oc’h mui à diez-bankoù, mui oc’h mui a vizer ! Dihunamb, mar plij !