Dilun dremenet eo aet Yann Mikael (Jean-Marie Michel e anv gwir) d’an anaon d’an oad a 85 bloaz. Sot-pitilh e oa eñ gant gallaoueg e vro, Bro vMitaw, etre Liger-Atlantel ha Morbihan, ken e skrivas hag embannas “Pihern”, ur gelaouenn e “mitaweg”, e-pad degadoù ha degadoù gant ar c’hontour Ujeen Cogrel. Ur skrivagner brezhonek kristen e oa ivez. Skrivet gantañ e-barzh “Kannadig Imbourc’h” hag “Ar Gouloù Gwenn” a-c’houdevezh.
Lenner feal da vBreizh-Info e oa Yann Mikael ivez, ur wech dre vare e veze skrivet gantañ kemenadennoù leun a skiant vat dindan ar pennadoù e brezhoneg. Dreist-holl e oa un arbennigour eus istor e vroig eus Breizh-Uhel : Bro vMitaw.
Lidet e vo e obidoù disadorn e Gwenvenez-Penfaou da 10e 30. Doue d’e bardono !
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
Une réponse à “Aet eo Yann Mikael d’an anaon”
Diwar ober ur sell a-dreñv war e labour war-dro ar gallaoueg e respontas da Yann Bouessel Dubourg a damalle o “albac’henn” da baotred ar gallaoueg gant ur pennad anvet “Albac’henn (manie) marteze, trubarderezh morse !” e lec’h e tiskouez bezañ broadelour oc’h anavezout ar brezhoneg evel yezh nemeti hor broad hag ez anzav “n’on ket kendrec’het ez eo mat ober kement a reuz war e dro [ar gallaoueg], ken en em c’houlennan ha n’eo ket koll amzer plediñ gantañ.” (Imbourc’h 317-318 p. 73)