Emañ Alan Le Cloarec o paouez embann ur levr diwar-benn ar stourm e Breizh : “Evit an Emsav” e anv. E galleg. Skrivet en deus ar levr-mañ hag embannet e-unan rak Alan Le Cloarec a zo e penn an ti-embann Yoran Embanner bremañ, aet eo Yoran Delacour war e leve. Un dra souezhus eo ez eas stal Yoran Delacour gant Alan Le Cloarec. Ur gaochist eo Cloarec ha Yoran Delacour a zo kalz digor e spered. Ha gwerzhet e vo levrioù Emile Granville (embannet gant Yoran Embanner) gant Alan Le Cloarec da skouer ? Ne soñj ket din ! Dija n’eus ket moaien ken o c’homañdiñ war lec’hienn YE. Graet ar menaj dija, echu gant spered digor Yoran Delacour. “Trist evel ur pesk en ur bod lann” a vez lavaret du-mañ e Bro-Dreger.
Met petra a ziskouez adprenañ Yoran Embanner gant ur gaochist ouzhpenn ? N’omp ket ni Bretoned divorfil a spered, kat da adprenañ un ti-embann evel hini Yoran Delacour. Ha n’omp ket kat da ginnig levrioù teorikel, arnodskridoù evit dihuniñ pobl Vreizh ha stourm troad-ouzh-troad ouzh ar c’haochisted. Setu, n’om ket kat c’hoazh. Yann Vallerie en deus skrivet ul levr hag a reas berzh, Emile Granville en deus skrivet levrioù ivez met estreget an daou-se, piv en deus kredet, dre skrid, kinnig un hent all d’an Emsav ? Ha hini ebet en deus kredet hen ober e brezhoneg ouzhpenn-se !
Gaochisted a zo e-barzh an Emsav, ya, met kemer a reomp ar plas hon eus laosket dezho, tra ken ! Er skolioù Diwan, Divyezh, Dihun ! Er c’hazetoù e brezhoneg ! (ne ouian ket hag ez eus e gallaoueg), er Redadeg, er radioioù e brezhoneg, n’eus ket nemet gaochisted ? Pelec’h emañ ar Vretoned divorfil o spered ? Er gêr peurvuian pe aon o deus diskouezh o mennozhioù sklaer.
A’i eo poent diskouezh ar banniel kamaraded ! Skrivit e brezhoneg amañ dindan, savat kazetoù e brezhoneg pe e gallaoueg, savit radioioù war internet, savit skolioù Diwan pe klasoù Dihun du-se, er bed katolik eo aesoc’h kavout ur plas marteze…
Estreget gaochisted a zo ‘b’an Emsav se zo sur met a’i eo poent gwelet fri ar reoù all ha dreist-holl klevet o mennozhioù !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
4 réponses à “Hag estreget gaochisted a zo ‘b’an Emsav ?”
Ar gelaouenn “Ar Gouloù Gwenn” n’eo ket ‘gaochist’.
https://argoulougwenn.wordpress.com/?wref=bif
Levrioù Emil Grandville a zo dispar e gwrionez : gantañ hon eus unan a oar diorren ur preder dezhañ e-unan.
Kealouennoù er parlantoù gallaouek n’eus ket : ar gallaoueg n’en deus netra da welout gant ar brezhoneg, a zo eñ tonket da gemer plas ar galleg e Breizh a-bezh.
Mat e vefe dit en em lenn en-dro. War a hañval ez out kouezhet er bugaleaj en-dro. Emaout o sukrañ sivi : ken kozh-se out ?
Ur bern fazioù a zo ez prepozioù. N’eo ket bet spletus dit klask jeu ouzh ar re gristen nemeto eus Breuriezh Santez Anna. Koshaet ‘teus buanoc’h egeto…Ha da vugale difroutre e-keñver ar brezhoneg ?
Paour-kaezh !
Estregeto zo me n’int ket stank. Dre chañs hon eus nebeutoc’h-nebeutoc’h ezhomm anezho evit emaozañ ha bezañ oberiant.
A-hent-all, petra eo ar brezhoneg-se ? Ur yezh vroadel ha stadel hon eus da ober ganti. Marteze e klask kuzhat an aozer a-dreñv ur parlant hogen, n’eo ket plijus da lenn atav.