Ha serret e vo burev Post Donez pe get ?
E miz meurzh e voe embannet gant maer Donez, e bro Sant-Nazer, e felle d’ar Post serriñ burev ar gumun. Ur c’hengor a oa bet savet da heul ha lañset ur petision. 2000 sin a voe rastellaet en holl.
A-benn ar fin emañ ar Post o paouez embann ne vo ket serret ar burev !
Hag ar melestradur da lavarout ez a war-zigresk an niver a bratikoù abaoe 2018 memestra : -60% ! Ya, eme ar sindikalisted, me serret e vez an ti-Post hep ma vefe kelaouet an dud en a-raok a-wechoù ha, forzh penaos, emañ digor d’ar mintin nemetken etre 10h ha 12h30 ! Er maread-se e vez degemeret 39 pratik dre vras, ar pezh n’eo ket fall tamm ebet…
Kinnig a ra ar maer e vefe kenlodennet servijoù ar Post gant servijoù publik all en ur « Frañs Servijoù » staliet e-barzh an ti-post. Skrivet en deus ar maer d’an is-prefed diwar-benn an dra-se.
Mod-all e vo ret da dud Donez mont gant ar c’harr-tan betek Sant-Nazer evit an disterañ pakad. Ha dav eo teurel evezh ouzh hor bilañs karbon hiviziken ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
