Paourkaezh « repuidi » ! Setu daou zen hag a vo hor ijinourien da zont surawalch !
D’ar 16 a viz even e oa barnet daou Aljerian e lez-varn Sant-Nazer. E-pad 28 mn e voe lennet roll al laeroñsioù gant prezidantez al lez-varn ken hir e oa. Hir evel un deiz hep butun !
E korn ar c’hevrennoù keodedel e oa 182 den ! E Pornizh ha tro-dro o doa laeret an daou Aljerian pep tra a oa dindan o dorn e 2020 : ostilhoù, dafar stlenneg, marc’hoù-houarn, kluboù golf, sigaretennoù. Forzh petra ! « D’ar bled » e veze kaset produioù ar « razzia » gant unan anezho. N’eus ket bet amzer egile d’hen ober abalamour d’an archerien. En holl e vefe bet laeret evit 36 000€.
A-benn ar fin e vint serret war parkva Casino Pornizh… oc’h en em gannañ gant un den !
A-benn sizhun e vo embannet diviz ar varnerez. Hervez o breuterien e vefe « un diouer a brouennoù ». Un nebeut laeroñsi nemetken a zo bet anzavet gant an daou ganfard.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
