Labour sul, labour nul ?
Labouret e vo d’ar sul e Bro Naoned da vihanañ… a-drugarez d’al lamponed o deus drailhet ar stalioù goude marv Nahel ar gwall-grennard ! Emañ prefed Liger-Atlantel o paouez embann un dirojañs evit ma c’hellfe bezañ digoret ar c’henwerzhoù a-vunut d’ar sul 09 a viz gouere. Da lavaret eo e vo « goulennet » gant implijidi ar gourmarc’hadoù pe stalioù dilhad da zont da labourat d’ar sul. Hag ar choaz o do ? N’eo ket sur… Sinet eo bet evit an 09 a viz gouere evit poent met n’eo ket sur ne vo ket « astennet » an dirojañs-se d’ar sulioù all. Ha rediet e vo implijidi zo da nullañ o vakañsoù evit derc’hel ar boutik ivez ?
Perak eo bet embannet seurt dirojañs ? Peogwir zo bet kollet arc’hant ar stalioù pilhet gant ar bagadoù vandaled o deus lakaet freuz ha reuz e Naoned hag en holl c’hêrioù all goude marv Nahel.
Al labourerien an hini eo a baeo koustoù sokial hag ekonomikel ar « reuziad Nahel ». Evel boaz ! Ha komprenet eo seurt tra gant tud eus an tu-kleiz pellañ pe get ?
DR
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
