Ag ar C’hongo eo Daniel M’Bey met labouret en doe e meur a ospital e Bro-C’hall hag e e Breizh : Toulouse, Montpellier, Angoulême, Gwengamp ha neuze Pondi. E 2018 en doe gwallaet merc’hied hag a oa klañvourezed dezhoñ e Pondi. D’unan en doe roet ur sort pitorañs aveit he lakaat da gousket. Ha profitet da heul aveit gober e voc’hajoù àrni.
D’ar 15 a viz du e oe bet serret gant an archerion met lakaet a-benn kaer àr-lerc’h edan dro-vrec’h elektronek ‘b’ar gêr. Ha neuze lakaet edan evezh barnerezhel a-c’houde ur pennadig. Profitet en doe a se aveit monet da Orleans ha d’en em staliiñ eno get e wreg hag o seizh krouedur. Daoust ha n’en doe ket mui droed da vout medisin e kendalc’has da labourat èl kalonour ‘ba Orléans ur sort !
D’ar 7 a viz imbril e voe kondaonet da 15 bloavezh a brizon met groeit galv kerkent. Dibaoe se e c’houlenn bout dibrizonet kar ur “c’hrign-bev zo krog ennañ”. Ya met aon o deus ar varnerion e profitahe aveit achapout doc’h ar justis gall ha monet kuit d’ar C’hongo m’emañ e familh é chom.
A-benn ar fin e chomo ‘ba prizon. Forzh penaos ne oa ket daet da lez-vern Gwened d’an 22 a viz gwenholon aveit en em zifenn.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
