Abalamour d’al lec’hienn actu-bretagne e ouzer muioc’h diwar-benn ar c’hemennoù bombezenn a zo bet e liseoù Roazhon ha tro-dro ar sizhunioù tremenet.
Al lise Brequigny a oa bet skarzhet penn-da-benn d’ar 28 a viz du. D’ar mintin e oa bet resevet ur mail gant arouezioù islamour, logo Daesh ha traoù all e-giz se. A-benn ar fin ne oa netra er salioù met un devezh-labour a oa bet kollet memestra gant al liseidi.
Un enklask pizh a zo bet graet war internet ha kavet gant piv a vefe bet kaset ar mail : ul lisead a 15 vloaz eus Roazhon. Gant ar boliserien ez eus bet kavet roudoù eus videioù Daesh war e urzhiataer. Un islamour e vefe ? Hervezañ e oa kentoc’h “fuket rak e vamm” hag ouzhpenn-se “ne felle ket dezhañ mont d’ur gentel galleg an deiz-se kar n’eo ket barrek-tre e yezh Molière”. E yezh Daesh se zo un afer all marteze ? Kar ouzhpenn bezañ ur pen-karn e oa ivez ur c’hrennard dedennet gant ar djihaderezh. Met an daou si-mañ a c’hell kenvevañ mesk-ha-mesk er memes speredoù skañvaet…
D’an 09 a viz c’hwevrer e vo barnet gant lez-varn ar vugale.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
