Muntr Wilhem Houssin e Roazhon : unan eus ar re gondaonet a fell dezhañ bezañ dibrizonet dija

Wilhem Houssin a oa un arzour. Eus an tu-kleiz evel just. Un « astaler » (‘giz vez lâret gant an Ofis). Un den jentil hervez tout an dud a anaveze anezhañ. Met d’an 21 a viz gouere 2021 e voe broustet e Saint-Jacques de la Lande, e-kichen Roazhon, gant ur strollad paotred yaouank a oa o straniñ ‘tal ur « point deal ». Ur chomlec’h a oa o klask Wilhem Houssin hag aet e oa war-du ar strollad paotred da c’houlenn ganto. 3 devezh war-lerc’h ez eas d’an anaon.

Pemp den a oa bet serret ha kondaonet e miz here 2024. Etre 10 hag 20 vloaz o doa tapet, an hini feulsañ a oa un Tunizian anezhañ. Minored a oa er strollad.

E 2021 e c’hoarvezas an afer. E 2024 e voe kondaonet ar vuntrerien met unan anezhe, un den anvet « Adile » (« reizh » en arabeg), a reklem bezañ dibrizonet dija. Ha padal n’eo ket un ael an Adile-mañ e toull-bac’h Sant-Maloù. Meur a wech eo bet kastizet abalamour d’e emzalc’h. Met ne vern, goulennet en deus bezañ dibrizonet evit mont da vevañ gant e vamm-gozh.

D’an 3 a viz ebrel eo bet barnet an afer ha chom a raio en toull-bac’h a-benn ar fin.

Forzh penaos e oa bet graet galv gant ar pemp den kondaonet hag e vint barnet en-dro etre an 12 hag an 21 a viz du e Gwened.

Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine