‘Ba norzh ar Morbihan e vo savet ur gumun nevez dre gendeuziñ peder : « Pluvaeg », « Ar C’hembod », « Sant-Stefan-ar-Roudouz » ha « Koedlogon ». Mes pesort anv he do-hi ar gumun nevez-mañ ? Adal miz genver e vo lakaet boestoù ‘ba pep ti-kêr aveit ma vehe choazet un anv get tud ar vro. Pep hini a c’hello lâr’ e soñj ha kennig un anv.
‘Ba Bro-C’hallo emañ ar c’humunioù-mañ (un terouer chouan e oe gwezharall) mes e berton eo o anv, nameit aveit Saint-Etienne du Gué de l’Isle hag a zo bet troet (get piv ?) e « Sant-Stefan-ar-Roudouz ». Mes piv a lâr « Pluvaeg » e Bro-Gwened a-hend-arall ? Den ebet. Tud ar vro a ra get anvioù arall, e galloeg marhat.
Pesort anv a vo choazet ? Esperamp ne vo ket un anv tort èl « Evellys » (e plas Nein, Remengol ha Moustoer-Remengol) ur sort.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “Pesort anv aveit ar gumun nevez-mañ ?”
Hag an anv droch-se, Evellys, a ve distaget [evlis] sañset… Ar pezh a zo kontrol da reolennoù distagañ ar galleg ‘m eus aon.
« Eveljust » KerOfis (Diaz lec’hanvadurezh Ofis ar brezhoneg) a lavar deomp ez eo « Eveliz » e « brezhoneg ». Biskoazh kement all !