Drammet, drammet, drammet-net. Dindan metadon eo ar paotr-se en e 39 vloaz met ne vir ket outañ da gemer 2gr heroïn bemdez. Kollet eo.
Noz ha deiz e klask arc’hant evit prenañ e zramm. N’eus ket nemet se en e damm buhez. Neuze, d’an 20 a viz kerzu e Oceanis pa welas ur vamm-gozh o vont davet ar bilhedaouer emgefre e lakaas en e benn da dagañ anezhi evit laerañ hec’h arc’hant. Ur vatezh-vrec’h he doa ar paourkaezh vaouez. Diaes e oa dezhi prenañ he defotachoù. Ne vern ! Lamm a reas warni ha kemer a reas 90€ diganti mui ar gartenn c’hlas. Touchet eo bet brec’h ar vamm-gozh hag abaoe an dagadenn he deus muioc’h a boan c’hoazh !
Serret eo bet buan gant ar boliserien rak anavezet eo ganto e Sant-Nazer. D’ar 07 a viz kerzu, e kreiz an noz, en doa drailhet dorioù otomatek ar gourmarc’had Géant Casino dija. Ur barrad alter en doa abalamour d’ar c’hokain. Krediñ a rae e oa tud o klask laou outañ met e-unan e oa !
A-benn ar fin eo bet kondaonet d’ur bloavezh hanter a doull-bac’h. Hag e tleo restaolañ ar vaouez gozh.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
2 réponses à “Sant-Nazer : ur vamm-gozh taget gant ur penn dramm evit 90€”
Trugarez deoc’h da skrivañ e brezhoneg war BI ur wezh an amzer.
Met perak skrivañ pennadoù nemet diwar-benn keleier fall ha diwaskus?
Ur bern dud o deus c’hoant mont pelloc’h gant ar yezh o lenn endalc’hoù sevenadurel pe geleier pozitivel kentoc’h (mennadoù gant ar brezhoneg, petra a c’hoarvez er broioù keltiek all, pe e broioù Europa dre vras zoken, hag all…). Laouen e vefen gwelout pennadoù brezhonek war sujedoù all.
Joa
Bloavezh mat da genskriverien vrezhonek Breizh info a zegas boued-spered deomp bemdez ! Traoù pozitiveloc’h a vefe mat ivez eveljust met diaes-mat eo diskoachañ anezho p’emañ ken du an dremwel a bep tu.