E Sant-Nazer ez eus savadurioù leun a estrañjourion. Karterioù e-leizh ma ne c’hall ket ar vretoned kavout ul lojeiz ken. Karter ar Bouletterie da skouer a zo deuet da vezañ un enklozadenn dindan an trafikañ dramm. Ma tistrofe tout an dud-se d’o bro e vefe moaien lojañ ar vretoned paour hag ar studierien. Rak, muioc’h-muiañ a dud yaouank a zeu d’ober o studi e Sant-Nazer. Ha diaesoc’h-diaesañ eo evit tud ar vro da gavout ul lojeiz.
Ha koulskoude e fell d’an ti-kêr sevel ur savadur a 12 estaj e kreiz ar « Marok Bihan », ur c’harter istorel (mui pe vui) eus Sant-Nazer, ur c’harter eus ar porzh ha n’eo ket bet « adframmet » re.
Evel just o deus savet tud ar c’harter a-enep ar raktres-mañ. 44 ranndi a vo er savadur hag e vo lojet studierien skol an arzoù-kaer enno. Evit poent… un deiz e vo marteze poblañsoù all, « repuidi da saveteiñ », e-pad ar vakañsoù da skouer, met se ne vez ket lavaret gant luskerien ar raktres.
Ur c’henstroll a annezidi o doa savet klemm dirak lez-varn melestradurel eus Naoned. Hervezo n’eo ket diouzh al lezenn an aotre sevel rak un hir a siminal greantel rummet monumant istorel a zo just e-kichen.
D’ar 07 a viz kerzu e oa an daou du dirak ar varnererez hag e penn kentañ miz genver eo bet embannet an diviz : diouzh al lezenn eo an aotre sevel. Gallout a raio an ti-kêr hag Ofis Publik al Lojeiz sevel o savadur mod a-vremañ. Deuet eo keuz gant ar varnerez memestra met evit… daou vurlivadur hag a vo kuzhet gant ar savadur nevez : unan anvet « Ofrenda » treset evit derc’hel soñj eus ar studierien lazhet er Chili e 2015 hag egile « Exodus 2 » evit enoriñ « ar repuidi afrikan marv er mor ». Biskoazh !
D’un ajañs parizian hag he deus burevioù e Naoned eo bet fiziet ar raktres teknik.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
